فته المكدوس الشاميه جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- بيتنجان صغير على عدد افراد العيله
- 300 غرام لحمه ناعمه
- بصله
- بندوره
- ملعقتين صلصه بندوره
- بصله وسنين توم
- صلصله اللبن
- كاسه لبن زبادي
- ملعقتين كبار طحينه
- سنين توم ملح
- رغيفين خبز مقلي
- بقدونس للزينه
- 1 منقشر البيتنجان ومنقليه بزيت غزير به
- 2 منفرم البصله ناعم ومنقليها بشويه زيت وبعدين منقلي اللحمه معها مع ملح وفلفل
- 3 منفتح طرف البيتنجانه ومنحشيها بلحمه في ناس بتحفر البيتنجان وبتقليه وبعدين بتحشيه اللحمه
- 4 منفرم حبه بندوره والبصله وسنين التوم بمحضره الطعام منحط ملعقه زيت بطنجره ومنقلب فيها صلصله البندوره ومع ملعقه رب البندوره منزيدها شويه مي حتى يصير صوص منضيف ملعقه صغيره ملح وفلفل ومنضيف حبات البيتنجان المحشيه على الصلصله ومنتركهم يغلو تقريبا ربع ساعه
- 5 بهي الاثناء منعمل اللبن منهرس سنين توم مع ملح ومنخلطن مع اللبن والطحينه ومنحركن منيح
-
6
منكسر الخبز المقلي بجاط التقديم ومنصب عليه من صلصه البندوره وبعدين منحط عليهم اللبن والطحينه ومنزينو بحبات البيتنجان واللحمه المفرومه والبقدونس وبالعافيه وطبعا بتتقدم مباشره
يجب عليك تسجيل الدخول لتتمكن من التعليق وإضافة تجربتك لهذه الوصفه
